Истрел во Арачиново: Куршум завршил во хаубата на паркиран автомобил

Полицијата истражува инцидент што се случил во Арачиново, откако куршум погодил паркирано возило во дворот на семејна куќа.

— реклама —

Од Министерството за внатрешни работи информираат дека на 28 јули во 20:50 часот во СВР Скопје, 60-годишниот Ф.К. од село Арачиново пријавил дека околу 20:40 часот слушнал истрел додека се наоѓал во дворот на својот дом.

— реклама —

— реклама —

По проверката, забележал дека е оштетена хаубата на паркираниот автомобил „Фолксваген Голф“, кој е сопственост на неговиот син М.К.

— реклама —

Полициска екипа извршила увид на местото на настанот, а пронајденото зрно е подигнато за понатамошна вештачка обработка. Се преземаат мерки за целосно расчистување на случајот.