Станува збор за вирус што се пренесува преку комарци и кој продолжува да циркулира во повеќе делови од земјата.
Според Националниот институт за здравје, смртноста кај пациентите со невроинвазивна форма на болеста годинава изнесува 7,2 проценти.
Тоа претставува значително намалување во споредба со истиот период минатата година, кога стапката изнесувала 13,9 проценти.
Бројот на случаи, сепак, е речиси идентичен со ланскиот. Минатата година биле регистрирани 430 заразени, но бројот на починати бил повисок и изнесувал 27.
Вирусот Западен Нил се пренесува преку убод од заразени комарци, а покрај луѓето, најчесто ги погодува и птиците и коњите.
Околу 80 проценти од заразените лица не развиваат никакви симптоми.
Кај приближно 19 проценти се јавуваат симптоми слични на грип, додека околу еден процент од пациентите развиваат потешки невролошки компликации.
Италијанските здравствени власти продолжуваат да ја следат состојбата, особено во период кога активноста на комарците останува висока.
