Италија ќе им дава по 500 евра годишно на 1,18 милиони домаќинства за храна

Италија воведува нова мерка за помош на домаќинствата со ниски приходи, со која на 1,18 милиони семејства ќе им бидат обезбедени по 500 евра годишно за набавка на прехранбени производи.

Мерката е дел од продолжувањето на програмата „Картичка посветена на тебе“ (Carta Dedicata a Te), за која италијанскиот буџет предвидува по 500 милиони евра во 2026 и 2027 година, пренесува „Sole 24 Ore“.

— реклама —

Корисниците нема да треба да поднесуваат барање. Корисниците ќе бидат утврдени врз основа на достапните податоци од италијанскиот Национален институт за социјално осигурување (INPS) и Националното здружение на општини (ANCI).

— реклама —

На новите корисници картичките ќе им бидат доставени, додека оние што веќе ја користат мерката автоматски ќе добијат нови средства.

Со картичката ќе може да се купуваат различни прехранбени производи, но не и алкохолни пијалаци. За 2026 и 2027 година е укината можноста средствата да се користат за гориво, што беше дозволено во првите верзии на програмата.

— реклама —

Италијанскиот министер за земјоделство, Франческо Лолобриџида, оцени дека насочувањето на помошта кон прехранбените производи има позитивно влијание и врз домашните производители.

Според неговите наводи, околу 90 отсто од корисниците со текот на времето избирале прехранбени производи произведени во Италија.

Вкупните државни вложувања во програмата во периодот од 2023 до 2027 година ќе надминат 2,7 милијарди евра.