Изгаснати 22 пожари на отворен простор, утрово нема активни пожари

Во изминатото деноноќие во државата биле регистрирани 22 пожари на отворен простор, а според утринскиот извештај на Центарот за управување со кризи (ЦУК), сите се изгаснати и во моментов нема активни пожари.

— реклама —

Заклучно со 07:30 часот на 5 август, не се евидентирани ниту активни пожари, ниту пожари ставени под контрола.

— реклама —

— реклама —

Меѓу изгаснатите се пожарите во општините Чучер Сандево, Карпош, Гази Баба, Ѓорче Петров, Битола, Прилеп, Струга, Крива Паланка, Тетово, Желино, Кавадарци, Куманово, Центар, Арачиново и Гостивар.

— реклама —

Пожарите зафатиле ниска вегетација, сува трева, грмушки, депонии, како и делови од деградирана шума, а надлежните служби успеале да ги локализираат и целосно да ги изгаснат.