Во текот на изминатото деноноќие на територијата на државата се регистрирани вкупно 26 пожари на отворен простор, информира Центарот за управување со кризи.
До 07:30 часот нема активни пожари, додека еден пожар е ставен под контрола. Станува збор за пожар на излезот од Крива Паланка, во близина на депонијата. Останатите 25 пожари се целосно изгаснати.
Пожари биле регистрирани на подрачјата на Скопје, Сарај, Петровец, Прилеп, Струмица, Струга, Кичево, Кочани, Куманово, Гостивар, Тетово и други општини.
Гореле ниска вегетација, стрништа, отпад, депонии и дрвја, а во неколку случаи биле зафатени и возила.
Од ЦУК информираат дека состојбата со пожарите на отворен простор се следи и понатаму.
