Извор од украинската влада изјави дека украинските хакери се одговорни за големиот сајбер напад врз руската државна медиумска компанија ВГТРК што се случи во понеделникот, што се совпадна со 72-от роденден на рускиот претседател Владимир Путин.
„Украинските хакери му го „честитаа“ роденденот на Путин со тоа што извршија голем напад врз руската државна телевизија и радио станица“, изјави изворот. „Слушнав дека хакерите избришале сè од серверот, вклучително и резервните копии“, додаде изворот.
Портпаролот на Кремљ, Дмитриј Песков, претходно потврди дека ВГТРК била цел на сајбер напад без преседан, додавајќи дека експертите работат напорно за да откријат кој е одговорен и дека ВГТРК работи на надминување на последиците од нападот.
ВГТРК, која ги поседува и управува со главните национални ТВ канали и голем број регионални канали и радио станици, претходно во понеделникот објави дека нејзините интернет-сервиси станале цел на сајбер напад во текот на ноќта, но и покрај тоа, и радио и ТВ емитувања работеа.
„Нашиот државен медиумски холдинг, еден од најголемите, се соочи со невиден хакерски напад врз неговата дигитална инфраструктура. Експертите се обидуваат да ги утврдат сите околности со цел да разберат каде водат трагите што ги оставиле сторителите на овој хакерски напад“, рече тој.
