Извозот на нафта од Блискиот Исток се зголеми, Ормускиот Теснец повторно клучен

Извозот на сурова нафта од Блискиот Исток во септември се зголемил на 12,8 милиони барели дневно, што е највисоко ниво од почетокот на израелско-американската војна со Иран во февруари, покажуваат податоците на Kpler.

— реклама —

Растот главно се должи на зголемениот извоз преку Ормускиот Теснец, низ кој овој месец се очекува да минуваат околу 7,4 милиони барели нафта дневно. Саудиска Арабија, пак, дел од својот извоз го пренасочила од пристаништето Јанбу на Црвеното Море, откако во нападите бил оштетен важен нафтовод.

И покрај закрепнувањето, извозот од регионот и натаму е за околу шест милиони барели дневно помал во споредба со февруари, кога достигнувал 18,8 милиони барели дневно.

— реклама —

Саудиска Арабија, најголемиот извозник на нафта во регионот, во септември се очекува да испорача околу 5,4 милиони барели дневно. За споредба, во август нејзиниот извоз изнесувал само 2,446 милиони барели дневно.

— реклама —

Испораките од заливското пристаниште Рас Танура во септември се зголемиле на околу 3,6 милиони барели дневно, од 929.000 барели дневно во август. Сепак, и тоа ниво е значително пониско од февруари, кога преку ова пристаниште се испорачувале 6,411 милиони барели дневно.

Податоците на Kpler покажуваат дека минатата недела низ Ормускиот Теснец поминале вкупно 19 големи танкери за сурова нафта. Секој од нив превезувал околу два милиони барели саудиска нафта.

Во податоците не се опфатени бродовите што можеби минале низ теснецот со исклучени транспондери, со цел да не бидат откриени, објави „Ројтерс“.