Ја убил поранешната сопруга и избегал со детето, пронајден додека јадел ќебапи - трагедија во Сараево

Во Сараево се случи тешко убиство во населбата Добриња, каде маж ја лишил од живот својата поранешна сопруга, по што побегнал од местото на настанот заедно со нивната петгодишна ќерка.

— реклама —

Според информациите од истрагата, осомничениот Тарик Прусац бил лоциран и лишен од слобода истиот ден околу 19:15 часот во областа на Стари Град. И покрај полициската блокада и пребарувањето на поширокото подрачје, тој успеал да стигне до центарот на Башчаршија, каде што бил пронајден во угостителски објект додека јадел со детето.

Петгодишната ќерка е пронајдена неповредена и веднаш е згрижена од надлежните служби.

— реклама —

Обвинителството потврди дека телото на 41-годишната жртва, која била новинарка, ќе биде предадено на обдукција.

— реклама —

Според првичните информации, осомничениот работел како припадник на обезбедување и наводно го користел службениот пиштол за извршување на делото, иако не смеел да го носи надвор од работното време.

Адвокатката на жртвата изјавила дека таа подолг период живеела во страв, пријавувала вознемирување и била под заштитни мерки со забрана за приближување, но осомничениот и натаму ја следел и демнел.

— реклама —

Осомничениот ќе биде предаден на надлежното кантонално обвинителство во Сараево, по што ќе следува понатамошна постапка за кривично дело тешко убиство.