Ексградоначалникот на Општина Карпош, Стевчо Јакимовски, ќе побара одложување на издржувањето на едногодишната затворска казна и ќе поднесе вонреден правен лек пред Врховниот суд.
Ова следува откако Основниот кривичен суд Скопје му издаде упатен акт со кој е задолжен на 2 јули 2026 година да се јави во Затворот Скопје за издржување на казната.
Според најавите, Јакимовски ќе ја искористи законската можност да побара одложување на извршувањето на казната, а истовремено ќе ја оспори правосилната пресуда пред Врховниот суд.
Апелациониот суд Скопје претходно ја потврди пресудата со која Јакимовски беше осуден на една година затвор, по што беа исполнети условите за нејзино извршување.
