Поранешниот градоначалник на Општина Карпош и лидер на ГРОМ, Стевчо Јакимовски, денеска на прес-конференција упати критики кон актуелниот градоначалник Сотир Лукровски, тврдејќи дека и покрај тоа што е на боледување, бил забележан во трговскиот центар „Сити мол“ и во околните маркети.
Според Јакимовски, Лукровски веќе околу 20 дена не доаѓа на работа, а претходно своите овластувања ги пренел на заменик-градоначалникот Неделчо Крстевски.
„Сити мол“ е на 300 метри од неговото работно место, но не оди на работа затоа што е болен, а не е болен за да оди на шопинг“, изјави Јакимовски.
Тој додаде дека, според него, целата ситуација ја плаќаат граѓаните на Карпош и побара одговорност од актуелното раководство на општината.
