Судија за извршување санкции при Основниот кривичен суд Скопје му издал упатен акт на осудениот Стевчо Јакимовски за издржување на затворската казна во траење од една година.
Од Кривичниот суд информираат дека Јакимовски е упатен на 2 јули 2026 година да се јави во Затворот Скопје за започнување на издржувањето на казната.
„Судија за извршување на санкции од Кривичниот суд Скопје, на осудениот С. Ј. му издаде упатен акт за издржување на едногодишната казна затвор и истиот е упатен да се јави во Затвор Скопје на 2 јули 2026 година“, соопштија од Судот.
Апелациониот суд Скопје претходно ја потврди пресудата за Јакимовски во предметот што се водеше против него, по што се создадоа услови за извршување на затворската казна.
