Јандроковиќ ги осуди скандирањата на Торцида: „Тоа беше грда порака од Хрватска“

Претседателот на Хрватскиот сабор, Гордан Јандроковиќ, ги осуди скандирањата на навивачката група Торцида пред натпреварот меѓу Хајдук и Ајакс, оценувајќи дека извикувањето на името на Адолф Хитлер и нацистичкиот логор Аушвиц е целосно неприфатливо.

— реклама —

„Тоа беше грда порака од Хрватска и Сплит. Тоа не ни требаше, а сега е на државните органи да го санкционираат“, изјави Јандроковиќ во Новиград.

— реклама —

— реклама —

Тој нагласи дека станува збор за екстремен случај, кој не треба да се припишува на сите навивачи, бидејќи, како што рече, е сигурен дека мнозинството не го поддржува таквото однесување.

— реклама —

Јандроковиќ очекува полицијата, обвинителството и судовите строго да ги казнат учесниците. Според него, санкциите, заедно со продолжувањето на дијалогот меѓу клубовите, навивачите и фудбалскиот сојуз, се најдобриот начин да се спречат вакви инциденти.