Јаневска молчи пред аргументите на Левица, со тоа потврдува дека бодување за студентските домови повторно немало, спротивно на законот и правилникот

Левица преку соопштение обвинуваат дека Министерството за образование и наука повторно не објавило бодовни ранг-листи за приемот во државните студентски домови, иако тоа е предвидено со Правилникот за начинот на прием на студентите.

— реклама —

Од партијата велат дека министерката Весна Јаневска не одговорила на нивните прашања и не ги презентирала ранг-листите со освоените бодови, ниту, како што тврдат, студентите биле лично известени за бодовите што ги добиле.

— реклама —

Според Левица, член 13 од Правилникот, донесен во мандатот на Јаневска, предвидува на интернет-страниците на МОН и студентските домови да биде објавен список на студентите со добиените бодови. Од партијата посочуваат дека четири дена по објавувањето на резултатите такви листи сè уште не се достапни, иако рокот за приговори е во тек.

— реклама —

Левица поставува прашање дали бодирањето воопшто било спроведено и бара вонреден инспекциски надзор. Од партијата бараат Државниот просветен инспекторат да ја провери целокупната документација поврзана со конкурсот, вклучително и пресметките на бодовите, работните табели, редоследот пред конечниот избор и постапувањето по приговорите.

Воедно, Левица бара и Државниот завод за ревизија да провери дали МОН ги отстранил слабостите констатирани во претходната ревизија.