Министерката за образование и наука Весна Јаневска вечерва појасни дека со нејзината порака до првачињата да побараат братче или сестриче немала намера да навреди или да влијае врз личните одлуки на семејствата.
„Сосема сум свесна дека тоа е лична одлука и дека ние треба да ја почитуваме одлуката на парот што решава да има или да нема деца или, пак, може или не може да има деца. Со таа изјава сакав само да потенцирам дека ситуацијата е алармантна и дека тие што се во можност и ако сакаат, можеби можат да им овозможат на нивните дечиња да имаат братче или сестриче“, рече Јаневска во гостување на ТВ Сител.
Таа посочи дека предупредувањето за демографската состојба го упатила поради податоците според кои во земјава се затворени 148 училишни објекти, а бројот на паралелки е намален за околу 400. Според неа, намалувањето можело да биде и двојно поголемо, но при носењето на одлуките биле земени предвид и други показатели.
Јаневска порача дека граѓаните треба да бидат свесни за демографскиот пад и за иселувањето од земјата.
„Ако си ја сакаат државата, треба да се потрудат, заедно со сите нас, да ги подобриме условите за живот, за да не продолжи иселувањето и да го стабилизираме демографскиот пад“, додаде министерката.
Таа нагласи дека сите министерства работат во рамките на своите надлежности со заедничка цел – подобрување на квалитетот на животот, создавање услови граѓаните да останат во земјата и да можат да изградат пристоен и современ живот.
Јаневска претходно, на првиот ден од учебната година, при посетата на ОУ „Ацо Шопов“ во Радишани, покрај пораката до учениците да стекнуваат знаење, им порача на првачињата да побараат да добијат братче или сестриче. Според неа, целта била да се стави акцент на потребата од поголема свест за демографските предизвици и човечкиот капитал.
„Освен да бараат да стекнат знаење, можеби треба да бараат да стекнат братче или сестриче“, Јаневска со необична порака до првачињата
Министерката за образование и наука Весна Јаневска порача дека училиштата ја започнуваат новата учебна година подготвени, со обезбедени учебници, подобрена инфраструктура, технички помагала и поевтин училишен прибор.„Подготвени сме за учебната година, учебници има, инфраструктурата се подобрува, обезбедуваме технички помагала и сè што е потребно. Им посакувам на сите многу успех“, изјави Јаневска.Таа им посака успешна учебна година на учениците и наставниците, со порака до децата вредно да учат,
Македонија | пред 10 часа
