Министерката за образование и наука Весна Јаневска изјави дека МОН нема надлежност за вработувањето специјалисти на Медицинскиот факултет во Скопје, но дека Државниот просветен инспекторат може да постапува доколку станува збор за избор во наставно-научно звање.
Јаневска посочи дека е запознаена со случајот на лекарот Дарко Василевски, кој јавно изнесе обвинувања за наводни нерегуларности и фаворизирање при изборот на кандидати на јавниот оглас за вработување на Медицинскиот факултет.
„Да, веќе сум запознаена. Така како што сум запознаена, ако се точни информациите што сум ги добила, станува збор за вработување, а не за избор во звање. Јас јавно побарав да се достави претставка до ДПИ, но и доколку станува збор за избор во звање, ДПИ ќе постапува. Во однос на вработување на Медицинскиот факултет на специјалисти, МОН нема ингеренции“, рече Јаневска.
Од МОН дополнително појаснуваат дека ДПИ може да постапи доколку се работи за избор во наставно-научно звање на факултет.
„Во случајов се работи за вработување доктор на Институт и немаме ингеренции за постапување. Тука треба да постапи Државниот инспекторат за труд“, велат од МОН.
Василевски, кој е доктор и приватен специјализант, деновиве јавно реагираше за начинот на кој се спроведуваат вработувањата на Медицинскиот факултет. Во знак на револт, тој најави и штрајк со глад.
Лекар започнува штрајк со глад, обвинува за дискриминација откако трипати бил одбиван на оглас: Солиден специјализант си, но стар си
„Стар си, не ти е местото тука и не можеш академски да напредуваш“ – д-р Дарко Василевски тврди дека ваква порака добил уште во 2022 година, кога конкурирал за работно место на Медицинскиот факултет во Скопје. Четири години подоцна, на нов оглас за истото работно место, вели дека на интервју повторно му била спомената возраста со зборовите: „Ти си 80-то годиште“.Василевски, лекар и приватен специјализант, јавно реагираше на последниот оглас за вработување двајца доктори по медицина на неопределе
Македонија | пред 3 дена
