Јанушев: Надлежните нека го испитаат имотот на судијата Шабани, имам сознанија дека куќата е дивоградба, а да се види и на чие име е возилото кое го вози

Игор Јанушев, член на Извршниот комитет на ВМРО-ДПМНЕ на синоќешното гостување во поткастот насловен како На кавга со Иван/На кавга со Мирчевски апелираше до надлежните да го проверат имотот на судии, конкретно на судијата Осман Шабани.

— реклама —

„Нека го проверат имотот на судечкиот судија, во мојот предмет, Осман Шабани. Или нека ја проверат неговата куќа во Сарај за која имам сериозни индиции дека е дивоградба. Нека го проверат и возилото кое го вози“, рече Јанушев.

— реклама —

Јанушев укажа дека возилото може да се провери или види секој ден пред Апелацискиот суд.

— реклама —

„Возилото е паркирано со интересна џемсбондовска регистерска табличка 001. За истото треба да се провери на чие име е пријавено и кој го вози“, посочи Јанушев.

— реклама —

Судијата Осман Шабани беше судечки судија во предметот за наводно фаворизирање на економскиот кинески оператор, а Јанушев беше осомничен како член на комисија во рамки на тогашното Министерството за транспорт и врски. Во предметот како што информираше Јанушев, за него не беше наведена ниту сума за која нанел штета на државниот Буџет, а ниту тој беше обвинет.