Јанушев за обвинителката Стефанова: Во случајот со Мијалков заплени имот од 30 милиони евра, а наплатени се само околу 350 илјади евра, обвинителството да испита дали има штета по Буџетот

Игор Јанушев, член на Извршниот комитет на ВМРО-ДПМНЕ на синоќешното гостување во поткастот насловен како На кавга со Иван/На кавга со Мирчевски ги повика надлежните институции да се позанимаваат со имотот на обвинителката Лиле Стефанова. Јанушев посочи дека има индиции за неправилности во врска со нејзината работа.

— реклама —

„Обвинителството барам, еве по допрен глас, нека го провери нејзиниот имот. Има различни муабети, но еве јас тоа го барам и јавно“, рече Јанушев.

— реклама —

Од тоа што го знам, додаде Јанушев, се сомневам дека има неправилности.

„Еве нека го испитаат предметот во врска со тоа колкава наплата е направена од запленетиот имот на господинот Мијалков и дали тука има штета на буџет. Запленет е имот од 30 милиони евра, од тие наплатени се само околу 350 илјади евра и тоа се единствените запленети и истите кои тој повторно си ги купи истата обвинителка“, кажа Јанушев кој информираше дека Стефанова била обвинителка и во неговиот случај.

— реклама —

Јанушев се осврна и на неговите судски случувања поврзан со обвинувања од СЈО кои потоа ги презема обвинителката Лиле Стефанова која тогаш беше во Обвинителството за гонење на организиран криминал, а потоа или кон крајот на минатата година премина во Републичкото јавно обвинителство.

— реклама —

„Јас сум единствен кој е оштетен затоа што ми е ускратено правото да докажувам невиност. Доколку пресудата беше правосилна ќе можеше да барам правда во сите инстанци, а вака јас сега сум оштетен. Јас правдата сепак ќе ја барам пред Стразбур, апликацијата мислам дека веќе е прифатена. Во обвинението кон мене, иако обвинуваа за 5 милиони евра штета, не се спомнува сума, ниту финансиска штета за државата“, рече Јанушев.