Бројот на цивилни жртви во Јемен продолжува да расте, додека насилството принудува илјадници семејства да ги напуштат своите домови, соопшти Канцеларијата на ОН за координација на хуманитарните прашања (OCHA).
Според податоците, најмалку 18.000 домаќинства биле раселени од почетокот на месецот. Хуманитарните организации, во меѓувреме, обезбедиле помош за илјадници домаќинства, пренесува „Ал Џезира“.
OCHA предупреди и дека залихите со хуманитарна помош се на критично ниско ниво поради недоволното финансирање, што дополнително ја отежнува состојбата на населението погодено од насилството.
Движењето на хуманитарните мисии останува прекинато на неколку места долж западниот брег на Јемен. Пристапот до клучните патишта е ограничен, а дел од нив се целосно непроодни, што дополнително го отежнува доставувањето на неопходната помош.
