ЈП „Охридски комуналец“ расчисти осум диви депонии и подигна 24 кубни метри кабаст отпад и градежен шут

Јавното претпријатие „Охридски комуналец“ информира дека дежурните служби мапирале осум диво создадени мини-депонии, формирани од несовесни граѓани, кои претставувале закана за животната средина и здравјето на околното население.

— реклама —

Дивите депонии биле евидентирани на локалитетите Бејбунар и Мегдани, во населбите Даљан и Гоце Делчев – Бараки, на улицата „Галичица“, како и во близина на станбениот комплекс кај Општата болница.

— реклама —

Од претпријатието соопштуваат дека во текот на вчерашниот ден биле целосно расчистени сите наведени локации, при што биле подигнати вкупно 24 кубни метри кабаст отпад и градежен шут.

— реклама —

Од ЈП „Охридски комуналец“ апелираат до граѓаните да не создаваат диви депонии и отпадот да го одложуваат на соодветни места, нагласувајќи дека заштитата на животната средина е заедничка одговорност.

— реклама —