Кабинетот на Зеленски: Долг разговор со Трамп, се вклучија и европски лидери

Кабинетот на украинскиот претседател потврди дека Володимир Зеленски утрово остварил долг телефонски разговор со американскиот претседател Доналд Трамп.

— реклама —

„Разговорот беше долг – најпрво меѓу претседателите Зеленски и Трамп, а потоа во него се вклучија и европски лидери“, соопштија од кабинетот на Зеленски.

— реклама —

Потсетуваме, украинскиот претседател не учествуваше на разговорите меѓу Трамп и Владимир Путин на Алјаска, но американскиот лидер претходно најави можност за нова средба, овојпат и со Зеленски, доколку првиот состанок помине успешно.

— реклама —

Од кабинетот на британскиот премиер, пак, потврдија дека Киер Стармер по самитот на Алјаска разговарал и со Трамп и со Зеленски. Утрово, тој се приклучил на заедничкиот повик со лидерите на други европски членки на НАТО.

Во соопштението се додава дека Стармер наскоро повторно ќе разговара со европските лидери.