Каја Калас пристигна во Босна и Херцеговина: Брисел е сериозно загрижен поради застојот на реформите

Високата претставничка на Европската Унија за надворешна политика и безбедност, Каја Калас, пристигна во дводневна посета на Сараево, каде што разговараше со членовите на Претседателството на Босна и Херцеговина и со министерот за надворешни работи Елмедин Конаковиќ за европските интеграции на земјата.

— реклама —

Во интервју за агенцијата ФЕНА, Калас изјави дека Брисел е сериозно загрижен поради застојот на реформите во БиХ.

— реклама —

„Во последните две години гледаме застој на реформите, поради што сме многу загрижени. Затоа сум тука веќе третпат. И други европски претставници се прашуваат што уште можеме да направиме за да ви помогнеме да ги спроведете реформите“, рече Калас.

Таа предупреди дека БиХ не треба да ја пропушти можноста што ѝ ја нуди Европската Унија и нагласи дека постои ризик земјата да изгуби уште 373 милиони евра европска финансиска помош, откако веќе изгубила 108 милиони евра поради неспроведените реформи.

— реклама —

Босна и Херцеговина во март 2024 година доби начелна согласност за отворање на пристапните преговори со ЕУ, но сè уште не ги исполни клучните услови, меѓу кои се усвојувањето на законите за судовите и Високиот судски и обвинителски совет, како и именувањето на главен преговарач со Унијата.

За време на посетата, Калас ќе се сретне и со претседателката на Советот на министри Борјана Кришто, а ќе ја посети и базата на ЕУФОР во Бутмир кај Сараево.