(Во живо) Калиопи: Кога давам интервјуа надвор од Македонија, Северна не смее да стои на кајрон

Пејачката Калиопи во поткастот „Претрес со Ландов“ зборуваше за односот меѓу политиката, културата и спортот, посочувајќи дека уметниците и спортистите се едни од најголемите амбасадори на Македонија.

Таа порача дека политичарите треба да си ја работат својата работа, а културата и уметноста да го имаат заслуженото место.

„Не одам ни јас во парламент да пеам песни, да правам концерти во парламент. Така да ни тие не треба да се наместат каде што треба да се млади луѓе, музичари, културни уметници, каде што треба културата да е во преден план“, рече Калиопи.

— реклама —

Според неа, токму културата и спортот се меѓу најважните начини преку кои Македонија се претставува во светот.

„Ние сме најголемите амбасадори. Спортот, тие се оние коишто ја величаат Македонија“, истакна пејачката.

Калиопи вели дека секој треба да одговара за својата работа, без разлика дали станува збор за политичар, музичар или спортист.

„Сметам дека политичарите треба да си ја работат својата работа таму каде што треба да си ја работат, и да одговараат за тоа што го работат, како што и ние. Ако направам лоша песна, нема да ми биде слушана. Ако направам добра песна, ќе стане хит“, рече таа.

— реклама —

Калиопи се осврна и на начинот на кој ја претставува Македонија во странство. Таа посочи дека кога дава интервјуа надвор од земјата, инсистира да не се користи придавката „Северна“, додавајќи дека тоа го почитуваат и новинарите со кои разговара.

„Кога давам интервјуа надвор од Македонија, Северна не смее да стои на кајрон, воопшто, ниту па се спомне во интервјуто. Тоа го знаат сите новинари и го почитуваат надвор“, рече Калиопи.

„Претрес“ со Калиопи: 50 години под рефлекторите, животот на сцена, Македонија, колегите

— реклама —

Таа додаде дека на своите концерти ја користи слободата да зборува за Македонија и за Македонците.

„Кога сум на концерт, го користам сето свое слободно право да зборувам за мојата убава Македонија и за моите убави Македонци и Македонки“, рече пејачката.

Во разговорот таа се осврна и на односите меѓу самите граѓани, оценувајќи дека Македонците меѓусебно не се почитуваат доволно.

„Ние не се почитуваме толку меѓу себе колку што нè почитуваат надвор“, рече Калиопи.

На прашањето зошто е тоа така, таа одговори дека причината ја гледа во политиките и поделеноста.

„Тоа се должи на политиките, тоа се должи на поделеноста. Македонскиот народ мора да се обедини, мора да бидеме едно, едно“, порача Калиопи.

(Во живо) Калиопи: Татко ми цел живот сонуваше да бидам на оперската сцена, но не дочека да ме види покрај Хозе Карерас

Калиопи во поткастот „Претрес со Ландов“ откри како се чувствувала кога застанала на сцената со легендарниот оперски пејач Хозе Карерас, опишувајќи го моментот како еден од посебните во нејзината музичка кариера.„Ми беше чест, ми беше голема привилегија да застанам со една таква музичка легенда од тој калибар, со таква музичка историја, со толку многу живот зад себе, и сепак тука покрај нас, на сцена“, раскажа Калиопи.„Се вратив три чекори зад себе во тој момент, бидејќи сфатив дека мојата мален

Магазин | пред 2 часа