Гостиварска компанија пријавила во полиција дека била измамена за 110.700 денари од лице кое било избрано на оглас за вработување, соопшти Министерството за внатрешни работи.
Според МВР, на 22 јули во 11:30 часот во ОВР Гостивар, 47-годишен жител на Гостивар, управител на правно лице, пријавил дека неговата фирма била измамена од лице од Гостивар.
Како што навел пријавителот, лицето било избрано на оглас за вработување, по што побарало заем за подмирување на претходни обврски. Откако му биле префрлени 110.700 денари, одбило да започне со работа и ги прекинало сите контакти, без да ги врати парите.
Од Министерството за внатрешни работи информираат дека се преземаат мерки за целосно расчистување на случајот.
