Кардиолог откри четири овошја што го штитат срцето и помагаат во намалување на холестеролот

Срцевите заболувања и понатаму се меѓу водечките причини за смртност во светот, но лекарите нагласуваат дека ризикот од нивниот развој може значително да се намали со здрав начин на живот и правилна исхрана.

Кардиологот Дејвид Мин за „Eating Well“ посочува дека редовното консумирање овошје може да придонесе за намалување на ризикот од срцев и мозочен удар, како и од заболувања поврзани со покачен холестерол. Тој издвојува четири видови овошје што особено го поддржуваат здравјето на срцето.

Јаболка

Јаболката се богати со растителни влакна и антиоксиданси, кои можат да придонесат за подобрување на нивото на холестерол и регулирање на крвниот притисок. Бидејќи се достапни во текот на целата година, тие лесно можат да станат дел од секојдневната исхрана.

Авокадо

— реклама —

Авокадото е богат извор на мононезаситени масти, кои се сметаат за корисни за срцето. Според кардиологот, тие помагаат во намалување на „лошиот“ LDL холестерол и во зголемување на нивото на „добриот“ HDL холестерол.

Боровинки

— реклама —

Боровинките содржат големи количества антиоксиданси и растителни влакна. Тие помагаат во неутрализирање на слободните радикали, а истражувањата покажуваат дека можат да придонесат за намалување на крвниот притисок, подобрување на еластичноста на крвните садови и зголемување на нивото на HDL холестеролот.

Портокали

Покрај тоа што се богат извор на витамин Ц, портокалите содржат и флаванони – растителни соединенија кои, според кардиологот Одри Т. Дамрен, можат да помогнат во намалување на крвниот притисок, подобрување на нивото на холестерол, намалување на воспалителните процеси и подобра регулација на шеќерот во крвта.

— реклама —

Стручњаците потсетуваат дека срцевите заболувања најчесто се развиваат поради наталожување масни наслаги во артериите, што го отежнува протокот на крв кон срцето. Ризикот е поголем кај пушачите, лицата со висок крвен притисок, покачен холестерол, дијабетес, прекумерна телесна тежина, физичка неактивност и кај оние со семејна историја на срцеви заболувања.

Покрај редовното консумирање овошје, лекарите препорачуваат разновидна исхрана богата со зеленчук, интегрални житарки, немасни извори на протеини, јаткасти плодови и здрави растителни масла, како и редовна физичка активност, одржување здрава телесна тежина, избегнување пушење и умерено консумирање алкохол.