Катар објасни зошто ги собори иранските „Су-24“

Катар објави дополнителни детали за соборувањето на два ирански борбени авиони од типот „Су-24“, кои вчера беа урнати откако навлегле во катарскиот воздушен простор.

— реклама —

Портпаролот на катарското Министерство за надворешни работи, Мајед ал Ансари, на прес-конференција изјави дека бомбардерите биле следени додека навлегувале во воздушниот простор на Катар и дека правилата за употреба на сила биле применети „целосно и дословно“.

— реклама —

— реклама —

Според неговите зборови, пилотите биле предупредени дека го нарушиле воздушниот простор, а во моментот кога било проценето дека претставуваат јасна закана за главниот град Доха, односно дека нивниот правец на лет бил кон градот, авионите биле соборени над водите на Заливот.

— реклама —

Ансари посочи дека засега нема нови информации за судбината на пилотите. На прашање за можна одмазда кон Иран, тој изјави дека „сите опции се на маса“, додавајќи дека конечните одлуки ќе ги донесе катарското раководство.