Киев и Абу Даби со договор за одбрана и безбедност

Украина и Обединетите Арапски Емирати се во завршна фаза на договор за соработка во областа на безбедноста и одбраната, најави украинскиот претседател Володимир Зеленски по средбата со шеикот Мохамед бин Зајед ал Нахјан.

— реклама —

Во објава на Телеграм, Зеленски истакна дека двете земји се подготвени за заедничка работа со долгорочна перспектива.

— реклама —

„Отворени сме за заедничка работа, која во стратешка перспектива сигурно ќе ги зајакне нашите народи и заштитата на животот во нашите држави“, изјави Зеленски.

— реклама —

Соработката доаѓа во момент кога земјите од Персискиот Залив покажуваат зголемен интерес за украинското знаење и одбранбената технологија, особено по нападите со ирански ракети и дронови во регионот.

Украина, во меѓувреме, се позиционира како еден од водечките производители на напредни системи за пресретнување дронови, развиени врз основа на искуството од масовните напади со ирански беспилотни летала од почетокот на војната со Русија во 2022 година.