Киев соопшти дека уништил важен логистички правец на руските сили

Украинската војска соопшти дека во текот на ноќта извела напад врз патниот мост над Геничкиот теснец, кој ги поврзува Азовското Море и заливот Сиваш на југот на Украина.

— реклама —

Според соопштението на Генералштабот на украинските вооружени сили, мостот имал значајна улога во воената логистика на руските сили и бил користен за транспорт и снабдување меѓу Крим и руските единици распоредени на јужниот дел од фронтот.

— реклама —

Украинската страна наведува дека нападот бил изведен по полноќ, но засега не се објавени детали за степенот на оштетувањето на мостот ниту за евентуални жртви.

— реклама —

Мостот над Геничкиот теснец се смета за една од важните транспортни врски во регионот, а украинските сили во изминатиот период повеќепати ги засилија нападите врз инфраструктура што, според Киев, се користи за поддршка на руските воени операции.

— реклама —

Руските власти засега не се огласиле со официјална потврда или коментар во врска со украинските тврдења.