Киев тврди дека со напади е оневозможено повеќе од 51 отсто од руските нафтопреработувачки капацитети

Украинското Министерство за одбрана соопшти дека неодамнешните операции со оружје со долг дострел предизвикале штета на повеќе од 51 отсто од руските капацитети за преработка на нафта.

— реклама —

Министерот за одбрана Јевхен Хмара изјавил дека проценката се темели на податоци од разузнавачките служби и аналитичарите на Генералштабот. Според него, повеќе од половина од капацитетите на Русија се надвор од функција како резултат на, како што наведе, систематски и планирани напади.

Хмара меѓу неодамна погодените објекти ги наведе рафинериите во Москва, Јарослављ, Кинеф, Уст-Луга, Перм, Илски, Саратов, Сизран и други места.

— реклама —

Украинскиот министер оцени дека загубата на повеќе од половина од капацитетите за преработка на нафта претставува сериозен удар врз руската економија и снабдувањето на воените единици. Тој додаде дека украинските напади со долг дострел продолжуваат да погодуваат цели на територијата на Русија.

— реклама —

Хмара истакна дека беспилотните летала со долг дострел се меѓу приоритетите на украинското Министерство за одбрана, бидејќи овозможуваат напади врз цели длабоко на руска територија.

Според соопштението, Украина годинава трикратно ги зголемила производството и набавката на вакви беспилотни летала, а Министерството за одбрана најавува дополнително зголемување на капацитетите за операции со долг дострел.

— реклама —

Тврдењата за обемот на штетата се на украинското Министерство за одбрана.