„Ќе изгубиш неколку секунди, а некому ќе му спасиш здравје“ – моќна порака до возачите

Анастасија Точевска преку објава на социјалните мрежи упати апел до возачите да покажат повеќе разбирање кон моторџиите кои чекаат на граничните премини, особено во летните горештини.

— реклама —

Таа посочува дека иако никому не му е пријатно да чека на граница, постои голема разлика меѓу патниците во автомобили и оние на мотоцикли.

— реклама —

„Автомобилот има клима, додека моторџијата е во кацига, јакна, ракавици и чизми, на 40 степени и директно изложен на сонце. Долгото стоење може да доведе до прегревање, слошување, па дури и до топлотен удар“, наведува Точевска.

— реклама —

Таа потсетува дека во повеќе европски држави, како Велика Британија, Холандија, Белгија, Франција, Шпанија и Италија, постојат правила и решенија што им овозможуваат на моторџиите побезбедно движење низ колоните или посебни простори на семафорите, со цел да се подобри безбедноста и протокот на сообраќајот.

— реклама —

„Следниот пат кога ќе видите мотор зад себе на граница, ако има простор – пуштете го. Ќе изгубите неколку секунди, а некому тоа може многу да му значи“, порачува Точевска, додавајќи дека ваквите мали гестови можат да направат голема разлика.