Ќе се гради нова поликлиника во Бутел

Општина Бутел ќе добие нова модерна поликлиника, откако денеска беше потпишан договорот со економски оператор за реализација на проектот, информира градоначалникот Дарко Костовски.

— реклама —

Според најавите, носител на проектот е Општина Бутел, додека Министерството за здравство ќе учествува како партнер во неговата реализација.

— реклама —

„Потпишан е договорот за изградба на нова поликлиника. Ова е историски момент за граѓаните на Бутел“, објави Костовски.

Новата здравствена установа ќе нуди широк спектар на услуги, меѓу кои РТГ кабинет со ехо, лабораторија и аптека. Предвидено е да има и пункт за итна медицинска помош, како и ноќна служба, што значително ќе ја подобри достапноста на здравствената заштита за жителите.

— реклама —

Поликлиниката ќе се гради на местото на постојната стара амбуланта, согласно деталниот урбанистички план донесен во февруари 2024 година.

Градоначалникот најави дека изградбата ќе започне наскоро, а проектот го оцени како еден од најзначајните за општината во последните години.