Министерот за здравство, Арбен Таравари, им наложил на Државниот санитарен и здравствен инспекторат да извршат увид во документацијата на 59-годишниот Тони Ангеловски, кој со пукната аорта почина чекајќи операција. Од министерството не споделуваат никакви други детали, а откако семејството најави одговорност, додека роднина на сега починатиот раскажа што се случувало изминатите денови додека Ангеловски се борел за живот.
„По налог на министерот за здравство, д-р Арбен Таравари, ДСЗИ ќе изврши увид во медицинската документација во врска со овој случај по што јавноста ќе биде информирана“, велат од Министерството за здравство за „Скопје1“.
Став најави и директорот на Клиниката за кардиохирургија. До овој момент, не го доставија.
За случајот се дозна откако Ацо Николовски, роднина на пациентот завчера алармираше дека Ангеловски не е опериран оти им кажале дека нема слободни сали, а за „Скопје1“ вели дека пациентот е починат, а денеска бил погребот. Николовски за „Скопје1“ вели „го оставија како згазено куче покрај улица“. Од Министерството за здравство молчат за случајот, а исто и од Клиниката за кардиохирургија. Според Николовски, од Кардиохирургија ги пратиле да видат за операција во приватната клиника „Жан Митрев“ на државен трошок.
Чекајќи операција, почина пациент со пукната аорта на Кардиохирургија; Роднина: Наводно немале сала
Со пукната аорта отишол да го излекуваат, но не дочека ни операција на Клиниката за кардиохирургија и почина. Ова е судбината на 59-годишниот Тони Ангеловски. Неговиот роднина, Ацо Николовски завчера алармираше дека Ангеловски не е опериран оти им кажале дека нема слободни сали, а за „Скопје1“ вели дека пациентот е починат, а денеска бил погребот. Николовски за „Скопје1“ вели „го оставија како згазено куче покрај улица“. Од Министерството за здравство молчат за случајот, а исто и од Клиниката за кардиохирургија. Според Николовски, од Кардиохирургија ги пратиле да видат за операција во приватната клиника „Жан Митрев“ на државен трошок.„Него го хоспитализираа, му беше пукната аорта, која е главна артерија и предизвикала внатрешно крварење. Не го оперираа, рекоа дека наводно немаат сала за операција. Нѐ пратија со документите во Жан Митрев, таму ни кажаа дека квотата е исполнета до јуни. Но ни посочија да го донесеме, да го стабилизираат, дека немаат дел кој им е потребен но ќе го добијат и дека до тогаш ќе го одржуваат. Ама дека седум дена пред и по операцијата мора да биде на интензивна нега. Кажаа дека е 1000 евра од ден, плус лекови, а ова е просечно семејство“, вели Николовски за „Скопје1“.Според сведочењето, се вратиле на Клиниката за кардиохирургија.„Никој ништо не презема го оставија човекот тивко да си умре дури и фамилијата на најгруб можен начин беше избркана од Државна за ова имаме и снимени видеа ги молам сите што можат да го споделат ова поготово до министерот за здравство нашиот ценет премиер да видат и да не побараат некој мора да одговара за ова“, додава Николовски и во јавната објава .„Скопје1“ побара коментар од Министерството за здравство во текот на вчерашниот ден. Оттаму до овој момент немаме добиено никаков одговор, непознато е дури и дали е формирана комисија за утврдување на одговорност.За случајот со пациентот го прашавме и директорот на Клиниката за кардиохирургија, доктор Дејан Димитриевски. Побаравме одговори зошто пациентот не бил опериран, дали е точно дека немале доктор кој можел тоа да го направи, колку доктори се достапни во моментите кога пациентот треба да се оперира, но и дали можеле да најдат сала во друга клиника. На ова добивме само кусо известување дека ќе се обратат со официјална изјава. Ако и кога ќе ја добиеме – ќе ја пренесеме.
Македонија | пред 9 месеци
