Ќерка ја пронашла мајка ѝ почината во Ѓорче Петров: втор случај за пет дена

Седумдесет и шестгодишна жена е пронајдена почината со видливи траги од насилство во куќа на улицата „Ѓурчин Кокале“ во Скопје. Случајот за „Скопје1“ го потврдија од Министерството за внатрешни работи, а полицијата ги утврдува околностите под кои настапила смртта.

Според информациите од МВР, денеска (27 октомври), во 09:18 часот, во СВР Скопје, М. А. пријавила дека ја пронашла својата мајка О. А. (76) без знаци на живот.

— реклама —

„Денеска (27.10.2026) во 09:18 часот во СВР Скопје М. А. пријавила дека во куќа на ул. „Ѓурчин Кокале“ во Скопје ја пронашла својата мајка О. А. (76), без знаци на живот. Од страна на Итната медицинска помош констатирана е смрт со видливи траги од насилство“, информираат од МВР за „Скопје1“.

— реклама —

За случајот е известен јавен обвинител, по чии насоки телото е предадено на обдукција. СВР Скопје презема мерки за утврдување на причините за смртта и за расчистување на случајот.

Ова е втор пријавен случај во Скопје во рок од пет дена во кој починато лице е пронајдено во дом со траги од насилство.

— реклама —

На 22 октомври, во 18:40 часот, во СВР Скопје било пријавено дека 62-годишниот С. Ј. е пронајден починат во својот дом на подрачјето на општина Ѓорче Петров. И во тој случај лекар од Итната медицинска помош констатирал смрт со траги на насилство, а телото било предадено на обдукција по наредба на јавен обвинител.

Засега нема информации дека двата случаи се поврзани.

(Видео) Маж пронајден мртов со траги на насилство во дом во Ѓорче Петров

Шеесет и двегодишен маж е пронајден починат во својот дом на подрачјето на општина Ѓорче Петров во Скопје, а на неговото тело биле забележани траги на насилство, потврдија од Министерството за внатрешни работи за „Скопје1“.Случајот бил пријавен вчера, на 22 октомври, во 18:40 часот во СВР Скопје. Починатиот е идентификуван со иницијалите С.Ј. (62).„На 22.10.2026 во 18:40 часот во СВР Скопје било пријавено дека во својот дом на подрачјето на општина Ѓорче Петров во Скопје бил пронајден починат С.

Скопје | пред 4 дена