Премиерот Христијан Мицкоски вечерва на прес-конференција по седницата на Централниот комитет ги соопшти кадровските промени во Владата.
Од редовите на ВМРО-ДПМНЕ, за министер за социјална политика, демографија и млади е предложен досегашниот заменик-министер во истото Министерство, Ѓоко Велковски, а Сашо Клековски ќе раководи со Министерството за здравство.
На негово место доаѓа досегашниот министер за локална самоуправа, Златко Перински, а ресорот локална самоуправа ќе го преземе Иван Стоилковиќ.
За министер без ресор е предложен Ерџан Демир.
Коалицискиот партнер „Вреди“ ќе раководи со Министерството за правда, Министерството за култура и туризам, како и со Министерството за односи меѓу заедниците.
Партијата ЗНАМ ги презема Министерството за земјоделство, шумарство и водостопанство.
Премиерот Мицкоски истакна дека промените имаат за цел да го зајакнат капацитетот на Владата и да обезбедат поефикасна реализација на владината програма во наредниот период. Очекувањата се дека новите кадровски решенија ќе бидат доставени до Собранието, каде што ќе треба да добијат поддршка од пратениците.
