Клековски се сретна со матичните лекари, во фокусот подобрување на „Мој термин“

Министерот за здравство Сашко Клековски информираше дека денеска одржал воведна средба со претставници на Здружението на приватни лекари и Здружението на лекари по општа медицина, на која се разговарало за состојбите и предизвиците во примарната здравствена заштита.

— реклама —

Според објавата на Клековски, на средбата присуствувале и претставници на Управата за електронско здравство, а главна тема биле можностите за унапредување на системот „Мој термин“ со цел матичните лекари побрзо и поефикасно да обезбедуваат термини за специјалистички прегледи.

Како што наведува министерот, планирани се поедноставено и побрзо закажување специјалистички прегледи, нови алатки за полесно пребарување на слободните термини и подобрување на комуникацијата меѓу матичните лекари, здравствените установи и системот „Мој термин“.

— реклама —

— реклама —

Клековски посочи дека Министерството за здравство, во соработка со Управата за електронско здравство, останува отворено за соработка со матичните лекари, здравствените установи и софтверските компании, со цел да се воспостави поефикасен систем за закажување прегледи.

Според него, крајната цел е пациентите да чекаат пократко за специјалистички прегледи и да имаат подостапна здравствена заштита.