Кои градови се најлоши во авиосообраќајот по времето на доцнење за полетување

Европските аеродроми и понатаму се соочуваат со значителни доцнења на летовите, иако во последниот период се забележува благо подобрување на точноста, покажуваат најновите податоци на Евроконтрол.

— реклама —

Најлошо рангиран според точноста на поаѓањата е Лисабон, каде само 49 проценти од летовите полетуваат навреме. Меѓу аеродромите со најмногу доцнења се и Цирих и Ница, што ги става на врвот на негативната листа во Европа.

— реклама —

Експертите како главни причини ги посочуваат зголемениот обем на воздушен сообраќај, ограничувањата на одредени рути, неповолните временски услови, како и фактот дека дел од аеродромите функционираат речиси на максимален капацитет.

Спротивно на тоа, најдобри резултати бележат аеродромите во северна Европа. Берген, Осло, Стокхолм, Копенхаген и Лајпциг имаат стапка на точност над 80 проценти, што ги прави меѓу најсигурните кога станува збор за навремено полетување.

— реклама —

Во извештајот се наведува и дека најпрометни европски воздухопловни јазли се Истанбул, Амстердам Схипхол, Лондон Хитроу и парискиот Шарл де Гол. Вкупниот воздушен сообраќај расте, со просек од околу 30.000 летови дневно, додека во летните месеци бројката достигнува и до 35.000.

— реклама —

Кога станува збор за авиокомпаниите, најголем обем на летови има „Рајанер“ со околу 3.192 летови дневно, пред „Изиџет“ со 1.611 и „Туркиш ерлајнс“ со 1.559 летови. Следуваат „Луфтханза“ и „Ер Франс“ со нешто над илјада летови дневно.