Колумбиската влада прогласи „национална катастрофа“ по силниот земјотрес со магнитуда од 7,4 степени, кој погоди повеќе департмани во земјата и однесе повеќе од 70 животи.
Одлуката е донесена поради големината на последиците од земјотресот, чиј епицентар бил во департманот Чоко. Вонредниот одбор за управување со катастрофи, предводен од новиот колумбиски претседател Абелардо де ла Есприела, го прогласи статусот со цел да се забрза мобилизацијата на средства за помош на погоденото население и проценка на оштетената инфраструктура.
Земјотресот предизвика сериозна материјална штета на повеќе локации. Во Манизалес, меѓу другото, делумно се урна една од кулите на катедралата.
Спасувачките служби продолжуваат со активностите во погодените подрачја, додека властите ја проценуваат вкупната штета предизвикана од земјотресот.
