Констатирани се прекршоци во случајот со докторот Барбов и Ива Михаилова

Извештајот на Државниот санитарен и здравствен инспекторат за случајот со докторот Иван Барбов и пациентката Ива Михаилова е дополнет по барање на министерот за здравство Сашо Клековски, кој побарал да се опфатат сите здравствени установи во кои била лекувана пациентката, кажа министерот за здраство на денешната прес-конференција.

— реклама —

— реклама —

Клековски појасни дека првичниот надзор бил спроведен по иницијатива на Клиниката за неврологија, но не го опфатил целиот тек на лекувањето и здравствените постапки во различните здравствени установи во Македонија. Затоа, побарал надзорот да се прошири и на една приватна здравствена установа во која Михаилова била лекувана во меѓувреме.

— реклама —

„Во оваа фаза веќе има констатирани прекршоци, а побаран е и стручен надзор за медицинскиот дел од извештајот“, изјави Клековски.