Косовски државјанин избега од царинска контрола на Блаце, фатен во Скопје со дрога и нож

Косовски државјанин е лишен од слобода откако побегнал при царинска контрола на Граничниот премин Блаце, оттурнувајќи царински службеник со своето возило, соопшти Министерството за внатрешни работи.

— реклама —

Според МВР, синоќа околу 22 часот полициски службеници од Единицата за интервентна полиција на улицата „Јадранска магистрала“ во Скопје го уапсиле 24-годишниот Р.Е. од Косово.

— реклама —

Инцидентот започнал на ГП Блаце, каде за време на царинска контрола на неговото возило „БМВ“ со косовски регистарски таблички, тој го стартувал автомобилот, оттурнал царински службеник и го влечел неколку метри, по што избегал во правец на Скопје.

По преземени мерки, полицијата го запрела возилото и го привела осомничениот. При пребарување на теренот била пронајдена кеса со марихуана, а во автомобилот бил пронајден и џебен нож.

— реклама —

Според МВР, приведениот изјавил дека додека бегал фрлил и кеса во која имало два пиштола.

— реклама —

Тој е задржан во полициска станица, а по целосно расчистување и документирање на случајот против него ќе биде поднесена соодветна кривична пријава.