Краделе клима-уреди од училишта и компании: Грчката полицијата разби организирана група

Грчката полиција уапси тројца мажи осомничени дека биле дел од организирана група која крадела надворешни единици од клима-уреди во училиштата и деловните објекти во јужните предградија на Атина.

— реклама —

Според истрагата, осомничените, на возраст од 41, 38 и 36 години, најмалку од февруари годинава вршеле кражби на надворешни климатизациски единици.

— реклама —

Полицијата досега ги поврзала со пет кражби, од кои три биле извршени во државни училишта во крајбрежното предградие Глифада.

Истражителите наведуваат дека за да избегнат откривање, членовите на групата користеле три различни возила и ги менувале автомобилите за време на извршувањето на кражбите.

— реклама —

Тројцата биле приведени во соседната населба Вула, каде што полицијата пронашла четири клима-уреди, делови поврзани со нив, како и голема количина алат за која се сомнева дека била користена при извршувањето на кривичните дела.

Истрагата за случајот продолжува.