Управа за финансиска полиција поднесе кривична пријава до Основно јавно обвинителство Гостивар против И.Ш., во својство на градоначалник на Општина Врапчиште, поради сомнение за злоупотреба на службената положба и овластување.
Според соопштението, пријавениот во текот на 2025 година постапил спротивно на Законот за јавни набавки, откако склучил договор за реконструкција на локален пат во селото Добридол без да ја почека конечната одлука по поднесена жалба до Државната комисија за жалби по јавни набавки.
Од Финансиската полиција наведуваат дека одлуката за избор на економскиот оператор била поништена, но и покрај тоа биле извршени исплати кон фирмата во вкупен износ од 11.848.675 денари.
Со тоа, според институцијата, на правното лице му била овозможена противправна имотна корист во наведениот износ.
