Крвава зора во Јужна Африка: Масакр во хостел, десет загинати, повеќe повредени

Најмалку десет лица загинаа, а повеќе од десет се повредени во пукање што утрово се случила во хостел во Аттериджвил, во близина на Преторија, соопшти јужноафриканската полиција.

— реклама —

Инцидентот се случил околу 4 часот наутро, јавува телевизијата ЕWN. Според официјалните информации, вооружени напаѓачи отвориле оган врз луѓето сместени во хостелот, при што на местото на настанот починале најмалку десетмина.

— реклама —

„Најмалку десет лица се убиени во Солсвил, Преторија. Повеќе од десет се повредени и пренесени во болница,“ изјави портпаролката на јужноафриканската полиција Атленда Мате.

— реклама —

Полицијата работи на расчистување на мотивот и на идентификација на сторителите, додека засилените патроли остануваат на терен поради можноста од нови инциденти.

Настанот предизвика голема вознемиреност во локалната заедница, која веќе подолго време се соочува со високо ниво на насилство и криминал.