Куба повторно остана без струја, колабираше националната електроенергетска мрежа

Куба повторно остана без електрична енергија откако колабираше националната електроенергетска мрежа. Станува збор за трет голем прекин на струјата во земјата за само девет дена.

— реклама —

Министерството за енергетика соопшти дека во вторникот вечерта електроенергетскиот систем целосно откажал, оставајќи ги без електрична енергија околу десет милиони жители на карипската држава.

— реклама —

Честите прекини во снабдувањето со струја дополнително ги зголемуваат општествените тензии во земјата. Минатата недела, по еден од претходните колапси на електромрежата, во главниот град Хавана избувнаа протести.

— реклама —

Куба се соочува со најтешката економска криза од распадот на Советскиот Сојуз, а недостигот од гориво дополнително ја влошува енергетската состојба.

— реклама —

Според властите, една од причините за кризата е недостигот од нафта, додека САД продолжуваат со политиката на санкции и притисок врз кубанското раководство. Вашингтон бара демократски реформи и ослободување на политичките затвореници, додека Хавана оценува дека санкциите претставуваат прекршување на меѓународното право и човековите права.