Курдите од Ирак подготвени за акција во Иран, чекаат сигнал од САД

Курдските опозициски групи на северот на Ирак изјавија дека имаат планови да преминат преку границата со Иран, но дека нивните борци сè уште не презеле акции затоа што чекаат американските и израелските сили прво да ги ослабнат иранските позиции, објави BBC.

Се подготвуваме за ова последните 47 години, од времето на Исламската Република“, изјави Хана Јазданпана од Курдистанската партија за слобода (PAK), која тврди дека располага со најголема вооружена сила.

— реклама —

Според нејзините зборови, „нема поместување на ниту еден Пешмерга“, курдски термин за оние кои се подготвени да се соочат со смртта. Јазданпана рече за BBC дека шесте опозициски групи, кои неодамна формирале коалиција, меѓусебно се координираат политички и воено, и дека никој не дејствува сам.

— реклама —

Таа оцени дека борците не треба да напредуваат оваа недела, бидејќи САД мора најпрво да „отворaат пат“.

Не можеме да се движиме ако воздухот над нас не е ослободен. Потребно е да се уништат складиштата со оружје на режимот. Во спротивно, тоа би било самоубиство. Режимот е многу брутален, а најнапредното оружје што го имаме е калашников“, додаде таа.

— реклама —

Јазданпана исто така изјави дека сака САД да воведат зона забранета за летови за да ги заштитат курдските борци.

Многу пати го побаравме тоа. Јас бев таа што испраќаше е-пораки со пораката „итно ни е потребно““, рече таа.

Белата куќа ги демантираше тврдењата дека американскиот претседател Доналд Трамп размислува за вооружување на Курдите. BBC потсетува дека многу Курди во минатото биле обучувани од американските сили за борба против Исламската држава во Ирак. Курдите, кои се четвртата најголема етничка група на Блискиот исток, се распослани меѓу Иран, Ирак, Сирија и Турција.