Скопјани се големи љубители на животните. Ова го потврдуваат од ЈП Лајка од каде велат дека има голем интерес и позитивни искуства за иницијативата да се помине време со некое од кучињата згрижени во шелтерите. Затоа, велат оттаму, оваа можност е повторно достапна.
- Сега можете да закажете прошетка во било кој ден и да одберете куче со кое ќе поминете време надвор од шелтерот. На следниот линк ќе најдете календар каде што можете да: изберете датум одберете куче и оставите ваш контакт, информираат од Лајка.
Секој термин се однесува на едно куче (не на час), а максималниот број на кучиња достапни за прошетки е 5 дневно.
- Откако ќе го селектирате денот и ќе ги оставите вашите податоци, нашиот тим ќе ве контактира за потврда и дополнителни инструкции, појаснуваат за инцијативата од Лајка.
