„Лажниот патриотизам на ВМРО падна: европски пасоши за нив, изолација за народот“, велат од СДСМ

Од СДСМ преку соопштение обвинија дека, според нив, „лажниот патриотизам“ на ВМРО-ДПМНЕ паднал, откако владејачката партија признала дека македонскиот идентитет и јазик не се загрозени.

— реклама —

Во партиското соопштение се наведува дека премиерот Христијан Мицкоски го оценил Преспанскиот договор како „ремек-дело на дипломатијата“, додека претседателката Гордана Сиљановска-Давкова признала дека македонскиот јазик, идентитет и култура се заштитени.

— реклама —

Од СДСМ тврдат дека дел од функционерите на ВМРО-ДПМНЕ поседуваат бугарски пасоши, а ја критикуваа и одлуката на власта да не го прифати нивниот предлог-закон со кој премиерот, министрите и членовите на Владата не би можеле да имаат двојно државјанство.

— реклама —

„За нив може европски пасоши и сигурност, а за народот блокади и изолација“, наведуваат од СДСМ, оценувајќи дека станува збор за лицемерие и политичка пропаганда.

— реклама —

Од партијата додаваат дека граѓаните веќе препознаваат дека, според нив, ВМРО-ДПМНЕ не води политика во интерес на државата, туку во интерес на лични и партиски привилегии.