ЛДП до Мицкоски: Изменете го Кривичниот законик веднаш, имате можност и наша поддршка

Либерално-демократската партија (ЛДП) упати остри критики до премиерот Христијан Мицкоски, барајќи Владата веднаш да предложи измени на Кривичниот законик со кои ќе се продолжат роковите на застареност за кривичните дела со кои се нанесува штета на државниот буџет.

— реклама —

Од ЛДП посочуваат дека веќе пет години бараат вакви измени и тврдат дека премиерот може да ги предложи уште на следната владина седница, со постапка што би овозможила нивно брзо разгледување во Собранието. Партијата нагласува дека му дава целосна поддршка на Мицкоски доколку се одлучи да го направи тоа.

— реклама —

Од ЛДП го обвинуваат премиерот дека одговорноста за состојбите во правосудството ја префрла врз судиите и Врховниот суд, иако, според нив, Владата и собраниското мнозинство имаат можност да преземат законски измени.

— реклама —

Партијата ја критикува и претходната измена на Кривичниот законик, за која тврди дека била усвоена двапати без да се интервенира во роковите на застареност за делата поврзани со оштетување на буџетот.

— реклама —

„Имате моќ, имате институции, ја имате и нашата поддршка – изменете го Кривичниот законик веднаш или престанете да лажете и да нè мачите сите со евтини театри“, порачуваат од ЛДП.