ЛДП: Жртвата на илинденците е наш вечен завет

Либерално-демократската партија (ЛДП) упати честитка до граѓаните по повод 2 Август – Илинден, Денот на Републиката, истакнувајќи дека празникот е симбол на борбата за слободна и самостојна Македонија.

— реклама —

„Од Илинден 1903 до АСНОМ 1944 — пат поплочен со жртвата на генерации македонски синови и ќерки кои вечно веруваа во идејата за слободна Македонија“, наведуваат од ЛДП.

Од партијата порачуваат дека стремежот на илинденците станал денешна реалност, а нивната жртва останува траен завет за идните генерации.

— реклама —

„Нивниот стремеж стана наша реалност. Нивната жртва — наш вечен завет“, стои во честитката.

— реклама —

ЛДП им оддава почит на сите кои, како што велат, се бореле и го дале најскапото за слободна држава.

„Денес им оддаваме длабока почит на сите генерации кои го сонуваа, се бореа и го дадоа најскапото за слободна и самостојна држава. Оваа земја е нивниот завет, а наша е одговорноста да ја чуваме и градиме со чест, достоинство и љубов“, порачуваат од партијата.

Во честитката ЛДП на граѓаните им го честита Денот на Републиката со пораката: „Честит 2 Август, Ден на Републиката! Нека е вечна!“.