Министерството за здравство соопшти дека лекот „Фостер“, кој се наоѓа на позитивната листа на лекови, во најскоро време повторно ќе биде достапен за пациентите без доплата.
Како што информираат од Министерството, известувањето е добиено од компанијата што е носител на одобрението за ставање на лекот во промет.
„Министерството за здравство е известено од компанијата која е носител на одобрението за ставање во промет на лекот ‘Фостер’ дека овој лек повторно ќе биде достапен за пациентите без доплата во најскоро време“, наведуваат од МЗ.
Од Министерството додаваат дека и понатаму ќе продолжат со активности насочени кон обезбедување поголема достапност на лековите по поприфатливи цени за граѓаните.
