Клековски и бугарската министерка за здраство договорија здравствена соработка до 2028 година: заеднички проекти, обуки и размена на експерти

Министрите за здравство на Македонија и Бугарија, Сашо Клековски и Катја Ивкова, денеска во Софија потпишаа план за соработка меѓу двете министерства за периодот од 2026 до 2028 година.

— реклама —

Со договорот се предвидува зајакнување на соработката во здравството и медицинските науки, преку размена на информации и искуства, специјалистички обуки, учество на научни и медицински настани, како и реализација на заеднички научни и практични проекти, курсеви и семинари.

— реклама —

— реклама —

Приоритетни области ќе бидат примарната и специјализираната здравствена заштита, болничкото лекување, превенцијата и контролата на заразните и незаразните болести, епидемиолошкиот надзор, медицинската статистика, справувањето со вонредни состојби и електронското здравство.

— реклама —

Планот се темели на принципите на еднаквост, реципроцитет и заеднички интерес, а целта е подобрување на квалитетот и зголемување на достапноста на здравствените услуги за граѓаните на двете земји.