Стручна комисија за родилката која остана неподвижна по царски рез: Нема лекарска грешка, состојбата на пациентката не е последица од спиналната анестезија

Случајот со Станка Михајлова од струмичкото село Баница, која по породувањето со царски рез остана со тешко нарушена подвижност, доби заклучок од стручната комисија задолжена за надзор над нејзиното лекување. Петчлената комисија не утврдила лекарска грешка, ниту поврзаност меѓу нејзината состојба и примената спинална анестезија.

Комисијата била составена од гинеколог, анестезиолог, невролог, неврохирург и радиолог, а двајца од експертите биле од Србија и од Словенија. По извршениот надзор, заклучокот бил едногласен дека невролошката состојба на Михајлова не е последица на спиналната анестезија, ниту на пропуст во лекувањето во Општата болница во Струмица, Клиничката болница во Штип или Клиниката за неврологија во Скопје.

— реклама —

Според наодите, анестезијата била дадена во долниот дел од ’рбетот, додека промената во ’рбетниот мозок се наоѓала значително повисоко. Дополнително, по породувањето пациентката била отпуштена без невролошки симптоми, кои се појавиле неколку дена подоцна.

— реклама —

Како најверојатна причина за состојбата, експертите го наведуваат спонтаното крварење од ретка малформација на крвните садови. Сепак, за конечно утврдување на причината е препорачана дополнителна дијагностика, како и продолжување на рехабилитацијата.

Случајот претходно предизвика големо внимание во јавноста, откако свекорот на Михајлова, Велибран Стојанов, преку видеа во живо пред здравствените установи во Струмица и во Штип побара помош од министерот за здравство Сашо Клековски. Тој јавно говореше за состојбата на снаата и тврдеше дека лекар од струмичката болница му кажал дека таа ќе остане парализирана.

— реклама —

По реакциите, Министерството за здравство најави темелна проверка, а по налог на министерот, Државниот санитарен и здравствен инспекторат започна вонреден инспекциски надзор во трите установи каде што Михајлова била лекувана.

Стручната комисија сега препорачува дополнителни испитувања и продолжување на рехабилитацијата. Од Министерството за здравство информираат дека остануваат во контакт со пациентката и нејзиното семејство и ќе продолжат да ја поддржуваат во лекувањето.

19-годишната Станка остана неподвижна по царски рез, Министерството за здравство отвори истрага откако свекорот јавно побара помош

Министерството за здравство соопшти дека ќе спроведе темелна проверка на случајот на Станка Михајлова од струмичкото село Баница, која по породување со царски рез во Клиничката болница во Штип останала неподвижна и се движи со инвалидска количка.Случајот деновиве предизвика силни реакции во јавноста, откако нејзиниот свекор Велибран Стојанов преку видеа во живо од пред болниците во Струмица и Штип побара помош од министерот за здравство, Сашо Клековски. Тој тврдеше дека лекар од струмичката болн

Македонија | пред 2 месеци